नेपालमा वसेर चिनीयाँ नागरिकले अपराधिक कृयाकलापका श्रृंखला नै चलाउन थालेका छन् । विशेषगरी कल सेन्टरका नाममा साईवर अपराध गर्ने चिनीयाँ नागरिकहरु भटाभट पक्राउ परिरहेका छन् ।

आईतवार पनि प्रहरीले तीनकुनेमा चिनियाँ नागरिकले चलाएको कल सेन्टरमा छापा मारेको छ । जिल्ला प्रहरी परिसर, काठमाडौंको टोलीले त्यहाँ छापा मारहेको हो। एउटा घर भाडामा लिएर उनीहरुले कल सेन्टर चलाइरहेका थिए । घरबाट ल्यापटपलगायतका विद्युतीय उपकरणहरु बरामद गरिएको बोहोराले बताए ।

Advertisement

उनीहरुले त्यहाँ बसेर साइबर अपराध गरेको आशंका रहेको एसएसपी भरत बोहोराले बताए । आईतवार प्रहरीले वुटवलमा पनि चिनियाँ नागरिकले चलाएको कल सेन्टरमा छापा मारहेको थियो भने ०७६ पुस ७ गते काठमाडौंका विभिन्न स्थानमा सर्च अपरेशन चलाएर १२२ जना चिनियाँ नागरिकलाई पक्राउ गरेको थियो ।

उनीहरुलाई अध्यागमन विभागले डिपोर्ट गरेपछि लिन चीनले चार्टर्ड जहाज नै पठाएको थियो । यो अपरेशनलाई नेपाल र चीनका प्रहरीको हालसम्मकै सबैभन्दा ठूलो संयुक्त अपरेशन भनिने गरिएको छ । 

बिज्ञापन
green_resturant_ad