बेइजिङ । संयुक्त राष्ट्र संघको जैविक विविधता महासन्धि (कोप१५) का पक्ष राष्ट्रहरूको सम्मेलनको १५ औं बैठकको दोस्रो चरण यस वर्षको डिसेम्बर ५ देखि १७ सम्म क्यानडाको मोन्ट्रियलमा हुनेछ।
यस वर्ष अप्रिलमा दक्षिणपश्चिम चीनको युनान प्रान्तको राजधानी कुनमिङको लागि तय गरिएको यो सम्मेलन् विश्वव्यापी कोभिड-१९ महामारीका कारण स्थगित र स्थानान्तरण गरिएको सिन्ह्वा समाचार एजेन्सीले जनाएको छ।
चिनियाँ वातावरण मन्त्रालयले बेइजिङले ठोस र राजनीतिक मामिलामा मार्गदर्शन गर्न कोप १५ को अध्यक्षको रूपमा काम गरिरहने बताएको छ। कोप१५ को पहिलो चरण गत अक्टोबरमा कुनमिङमा अनलाइन र अफलाइन दुवै सफलतापूर्वक सम्पन्न भएको बताइएको छ।
यसका उपलब्धिहरूले विश्वव्यापी जैविक विविधता शासन र २०२० पछिको विश्वव्यापी जैविक विविधता ढाँचालाई अपनाउन बलियो राजनीतिक प्रेरणा प्रदान गरेको छ।
सिन्ह्वा समाचार एजेन्सीका अनुसार चीनले जैविक विविधता संरक्षणलाई ठूलो महत्त्व दिएको र कोप१५ को दोस्रो चरणमा सबै पक्ष र सरोकारवालाहरूसँग विश्वव्यापी जैविक विविधता ढाँचामा वार्ता अघि बढाउन र सबै जीवनको साझा भविष्य निर्माण गर्न थप योगदान पुर्याउने काम जारी राख्नेछ।
यसअघि मंगलबार जैविक विविधतासम्बन्धी संयुक्त राष्ट्र महासन्धिका कार्यकारी सचिवले जैविक विविधतासम्बन्धी राष्ट्रसंघीय महासन्धि (कोप१५) मा भाग लिने पक्षहरूको सम्मेलनको १५औँ बैठकको दोस्रो चरण क्यानडामा सर्ने अनिश्चितताका कारण जारी रहेको बताए। ‘चलिरहेको विश्वव्यापी महामारीसँग सम्बन्धित निरन्तर अनिश्चितताका कारण चीनले कोपको अध्यक्षको हैसियतमा ब्यूरोको सहयोगमा कुनमिङबाट बैठकहरू चीन बाहिरको स्थानमा सार्ने निर्णय गरेको छ।
कोप अध्यक्षको रूपमा चीन सरकार, ब्यूरो, सचिवालय र सचिवालयको आयोजकको रूपमा क्यानडा सरकारबीच घनिष्ठ परामर्श पछि बैठकको दोस्रो भाग सचिवालयको सीटमा हुने निर्णय गरिएको छ।
