अमेरिकामा नयाँ भेरियन्टको अर्को केस देखियो

वासिङटन डिसी : अमेरिकामा कोरोना भाइरसको नयाँ भेरियन्ट ओमिक्रोनको अर्को केस देखिएको छ ।

अमेरिकाको मिनसोटामा ओमिक्रोन भाइरसबाट संक्रमित अर्को एक व्यक्ति भेटिएको सीएनएनमा खबर छ । बुधबार अमेरिकाको  क्यालिफोर्नियामा पहिलो पटक ओमिक्रोन भाइरसको नयाँ भेरियन्ट देखिएको थियो ।

दक्षिण अफ्रिकाबाट नोभेम्बर पहिलो साताबाट सुरु भएको नयाँ भेरियन्ट अहिले विश्वका अधिकांश मुलुकहरुमा फैलिसकेको छ ।

भारतमा बिहीबार दुई जनामा नयाँ भेरियन्ट पुष्टी भएको त्यहाँको स्वास्थ्य मन्त्रालयले जनाएको छ ।