नवलपरासी, १४ बैशाख

प्रहरीले आत्महत्या गरेकाे भनेपछि आक्राेसित बनेका स्थानीयवासी न्यायकाे माग गर्दै शव सहित इलाका प्रहरी कार्यालय बेलाटारी घेराउ गरेका छन् ।

सयाैंकाे संख्यामा बेलाटारी पुगेका स्थानीयवासीले आत्महत्या नभइ युवककाे हत्या गरिएकाे भन्दै सत्यतथ्यका लागि न्यायिक छानबीन हुनुपर्ने दबाव दिएका छन् ।

प्रतापपुर गाउंपालिका वडा नं ५ धर्माैली का २३ वर्षे पंगुल कहांर भनिने काैलेश कहांर बैशाख १२ गते गाउं बाहिरकाे खेतमा मृत अवस्थामा फेला परेका थिए । उनी एक दिन अघि बैशाख ११ गते सनिवारदेखि सम्पर्क विहिन भएकाे पारिवारिक श्राेतले बताएकाे छ ।

घटना प्रकति हेर्दा युवकले सिसाैकाे रुखमा पासाे लगाई आत्महत्या गरेकाे प्रारम्भिक अनुमान रहेकाे र अनुसन्धान भईरहेकाे प्रहरी नायब उपरिक्षक तथा जिल्ला प्रहरी कार्यालय नवलपरासी पश्चिमका प्रवक्ता राजु लामाले बताए ।

आत्महत्या भनिएपछि आक्राेसित बनेका स्थानीयवासी त्रिवेणी बर्दघाट सडक प्रतापपुर पुलमा शव राखेर विहानदेखि यातायात अवरूद्ध पारेका छन् । स्थानीयवासीद्वारा युवककाे हत्या गरिएकाे दावी गरिएकाे छ ।

तनाव साम्य पार्न छलफल चलिरहेकाे इलाका प्रहरी कार्यालय बेलाटारीका प्रहरी नीरिक्षक प्रकाश बहादुर सिंहले अनलाइनजनतालाइ जानकारी गराए।                          अपडेट: अनुसन्धानका लागि ५ सदस्यिय समिति गठन गरिएपछि शदगतका लागि परिवारले शव बुझेकाे छ । समितिमा वडाध्यक्ष  त्रिभुवन सिंह, मृतकका भाई सुरेश कहार, मामा किशुन कहार, त्रिवेणी पाल र रामायण गाेसाई रहेका छन्।