संभवत, अब केही समय चलचित्र ‘२ रुपैयाँ’मा समावेश ‘कुटुमा कुटु’ बोलको गीतले युटुबमा राखेको रेकर्ड अर्को नेपाली गीतले तोड्न सक्नेछैन । कारण, यो चलचित्रले युटुबमा सर्वाधिक धेरै पटक हेरिने नेपाली गीतको रेकर्ड मात्र राखेको छैन, ३ करोड पटक हेरिने पहिलो गीतको रेकर्ड पनि बनाएको छ ।
अहिले कुनै पनि प्रकारका गीतसंगीतको सफलताको मापन युटुबले गर्ने गर्दछ । यसैले पनि युटुबमा ३ करोड पटक हेरिने पहिलो नेपाली गीत बनेको छ, ‘कुटुमा कुटु ।’
यो गीतले अर्को सर्वाधिक हेरिएको चलचित्र ‘वडा नम्बर ६’मा समावेश ‘सुर्के थैली खै’ बोलको गीतलाई निकै पछाडि छोडेको छ । यसैले, पनि ‘सुर्के थैली खै’ले यो गीतको अंकगणियित सफलतालाई भेट्न मुश्किल छ ।
राजनराज सिवाकोटीको स्वर, शब्द तथा संगीत रहेको यो गीत चाडपर्वदेखि हरेक समयमा हरेक नेपालीको घरमा बजेका छन् । चलचित्रको यो गीतमा गायिका अन्जु पन्तको पनि स्वर छ ।
यो गीतको भिडियोमा स्वस्तिमा खड्का, निश्चल बस्नेत, आशिफ शाह, वुद्धि तामाङलाई फिचरिङ गरिएको छ । साभारः अनलाइनखबर
