- Advertisement -
काठमाडौं – नेपाल प्रहरीका ४८ जना प्रहरी वरिष्ठ उपरीक्षक (एसपी) को सरुवा गरिएको छ। भदौ ३१ गतेको निर्णयअनुसार सरुवा असोज १ गतेदेखि लागू हुने भएको हो।
यसअन्तर्गत, अपराध अनुसन्धान कार्यालयको अनुसन्धान शाखामा कार्यरत एसपी अंगुर जीसी लाई जिल्ला प्रहरी कार्यालय बाँके पठाइएको छ।
बाँकेका तत्कालीन एसपी रामप्रसाद घर्तीमगर लाई कर्णाली प्रदेश प्रहरी कार्यालय, मानवस्रोत व्यवस्थापन महाशाखा सुर्खेतमा सरुवा गरिएको छ।
यस्तै, अपराध अनुसन्धान शाखा बनेपामा कार्यरत एसपी अनिल कुमार खड्का लाई मधेश प्रहरी गण, धनुषा पठाइएको छ।
त्यसैगरी, जिल्ला प्रहरी परिसर काठमाडौंका एसपी अपिल राज बोहरा लाई नेपाल प्रहरीको सशस्त्र प्रहरी गण नं. १, नक्शालमा सरुवा गरिएको छ।
