सीमामा संयुक्त गस्ती

संजय कुशवाहा/सहबान अन्सारी, गुठी परसौनी /कार्तिक २९ ।

नवलपरासीमा सिमा सुरक्षाको लागी नेपाल र भारतीय सुरक्षाकर्मीको संयुक्त गस्ती गरिएको छ । शसस्त्र प्रहरी बोर्डर आउट पोष्ट गुठी परसौनी र शसस्त्र सिमा बल एस.एस.बी.झुलनीपुरले संयुक्त गस्ती गरेका थिए ।

शसस्त्र प्रहरी बोर्डर आउट पोष्ट गुठी परसौनीका शसस्त्र प्रहरी नायब निरिक्षक पृथ्वी बहादुर शाही नेतृवमा रहेको गस्ती टोली र शसस्त्र सिमा बल एस.एस.बी झुलनीपुरको शसस्त्र प्रहरी निरिक्षक टिसरिङ चोस घिलको नेतृवमा रहेको संयुक्त गस्ती टोलीले सिमा स्तम्भ संख्या ५०० देखी स्तम्भ संख्या ४९७ सम्म संयुक्त गस्ती गरिएको शसस्त्र प्रहरी बोर्डर आउट पोष्ट गुठी परसौनीले जनाएको छ।

गस्तीको क्रममा सिमाको किनारमा बस्दै आएका बासीन्दाहरुलाई सुरक्षाको दृष्टिकोणले समस्याबारे छलफल समेत गरिएको थियो ।

संयुक्त गस्ती टोलीमा सशस्त्र प्रहरी बाट ६ जना,सशस्त्र सिमा बल एस.एस.बी.बाट ४ जना र नेपाल प्रहरीबाट २ जना सुरक्षाकर्मीको संयुक्त सहभागीता रहेको थियो ।