काठमाण्डाै – आईसीसी एकदिवसीय क्रिकेट विश्वकपमा दक्षिण अफ्रिकाले इङ्ल्यान्डलाई ४०० रनकाे विशाल लक्ष्य दिएकाे छ ।
मुम्बईकाे वानखेडे स्टेडियममा टस हारेर ब्याटिङकाे निम्ताे पाएकाे दक्षिण अफ्रिकाले निर्धारित ५० ओभरमा ७ विकेट गुमाएर ३९९ रन बनायाे । दक्षिण अफ्रिकाका हेनरिक क्लासेनले शतक बनाए । उनी ६७ बलमा १०९ रन बनाएर आउट भए । यस्तै रेजा हेन्ड्रिक्सले ८५ र मार्काे जानसेनले नटआउट ७५, रसी भान डेर डसेनले ६० रन बनाए । बलिङतर्फ इङ्ल्यान्डका रिस टपलेले ३ विकेट लिए ।
दक्षिण अफ्रिका ३ खेलमा २ मा जित्दै ४ अङ्कसहित तालिकाकाे तेस्राे स्थानमा छ । इङ्ल्यान्ड उति नै खेलमा १ खेल जित्दै २ अङ्कसहित छैटाैँ स्थानमा छ ।
