Advertisement

इटाली – करिब १,००० श्रीलंकाली नागरिकहरूले इटालीको मिलानको केन्द्रीय रेलवे स्टेशनमा सरकार विरोधी प्रदर्शन गरेका छन्।

वार्नाकुलसूरिया निसासा नामक श्रीलंकाका कार्यकर्ताले उक्त कार्यक्रमको प्रत्यक्ष प्रसारण गरेका थिए जसमा प्रदर्शनकारीहरूले गो गोटा गो नारा लगाएका थिए र गोटाबाया र महिन्दा राजापाक्षेको पुत्ला जलाएका थिए।

Advertisement

प्रदर्शनकारीहरूले श्रीलंकाका राष्ट्रपति गोटाबाया राजापाक्षे र प्रधानमन्त्री महिन्दा राजापाक्षेको पुत्ला दहन गरेका थिए। प्रदर्शनकारीहरुले चीन विरोधी नाराहरु समेत लगाएका थिए ।

प्रदर्शनमा इटाली एसएल बौद्ध, एसएल इस्लामिक फोरम अफ मिलान, मुस्लिम एसोसिएसन अफ एसएल इन नर्थ इटालीलगायत श्रीलंकाका विभिन्न समूहहरूको सहभागिता रहेको थियो।

इटालियन भाषामा प्रदर्शनकारीले राजापाक्षलाई भ्रष्ट र श्रीलंकाका देशद्रोही भनेका छन् । उनीहरूले राजापाक्षे परिवार र अविश्वसनीय साझेदारहरूले देशलाई आर्थिक संकटमा पुर्‍याएको आरोप पनि लगाए।

Advertisement