खुम्रे किराले बाली काट्दा किसान चिन्तित

मुगु जिल्लामा खुम्रे किराले खेतबारीमा लगाएको बाली काट्दा किसान हैरान भएका छन् ।

जिल्लाको अधिकांश क्षेत्रमा खुम्रे किराले बाली काटेर नोक्सानी पु¥याएपछि किसान हैरान भएका हुन् । किसानले लगाएका धान, कोदो खुर्सानी सिमी लगायतका बालीमा खुम्रे किराले जरा काट्दा लगाएका बालीका बोट सुक्दै गएको किसानहरुको भनाई रहेको छ ।

खुम्रे किराका कारण आफ्नो बारीमा भएको सबै बालिहरु सखाप पारेपछि आफु चिन्तित भएको छायाँनाथ रारा नगरपालिका वडा नं ७ किसानले बताएका छन । बिगतका बर्षहरुमा पनी किराले बिभिन्न बालिनालीहरुमा क्षति पु¥याउने गरेको सुनाउदैँ पदमकलाले भन्नुभयो ‘पहिलेका बर्षमा पनी बालिनाली क्षति गर्ने गरेको थियो, यस बर्ष पनी किराले बालिनाली काटिरहेको भेटिन्छ ’।

किसान सुवाकला साहनीका अनुसार बारीमा लगाएका एउटै बालीमा मात्र नभएर अधिकाशं बालीका जराहरु किराले काटिदिने गरेको बताउनुभयो ।यता जिल्ला कृषि बिकास कार्यलय मुगुले भने खुम्रे किराको प्रकोपका बारेमा कृषकहरुले जानकारी नगराएको र कहि कृषकहरुबाट जानकारी आएमा प्राविधिक पठाउन कार्यालय तयारी अवस्थामा रहेको जनाएको छ ।

मुगु सहितका अन्य जिल्लाहरुमा पनी पनी प्रत्येक बर्ष खुम्रे किराले कृषकहरुको बालिनालीमा असर पु¥याउने भएको भएपनी कृषकहरु कार्यालयसगँ प्रत्यक्ष अथवा अप्रत्यक्ष रुपमा जोडिन नसक्दा समस्या भएको समेत कार्यालयका कृषि प्रसार अधिकृत राम सुरत पालले जानकारी दिनुभयो ।

यदि, कृषकहरुको बालीमा कुनै पनी प्रकारको समस्या भएको तत्काल कार्यालयमा जानकारी गराउन समेत उहाँले सबैलाई आग्रह गर्नुभयो । उहाँका अनुसार मुगुका किसानले खेतबारीमा काँचो गोबर मल हाल्ने गरेकाले पनी खुम्रे किराको प्रकोप बढ्ने गरेको बताईएको साझासवालमा खबर छ ।